Tülpanlar – böyük , adətən qırmızı, çəhrayı, sarı və ya ağ olmaqla canlı rəngli, bir çoxları tərəfindən sevilən və qızılgüllərin ən böyük  rəqibi olan bir gül növüdür. Əslən Tian-Şan dağlarında bitən bu möhtəşəm güllər 15-ci əsrdən etibarən Osmanli imperiyasının simvoluna çevrilmişdir. Qərblə bu gülün ilk tanışlığı da elə məhz Osmanlı imperiyası sayəsində olmuşdur. Belə ki Qərb diplomatları ilk dəfə tülpanları Osmanlı sarayında görmüş və öz ölkələrinə xəbər aparmışlar. Osmanlı tarixinin məşhur dövrü “Lalə Dövrü” də dövlət adamlarının malikanələrində tülpan yetişdirmək adətinin yayqın olduğu bir zaman dilimi kimi qeydə alınmışdır.

Osmanlı imperiyasından sonra tülpanlar Niderlandda “ Tulipmania ( Zambaq Dəliliyi)” adı verilən ağlasığmaz dərəcədə məşhur və və baha olduğu bir perioddan keçmişdir.

Elə həmin dövrdə yəni 17-ci əsrdə tulpan tumurcuqlarının “zambaq qıran virus”-a yoluxması bu güllərin gözelliyinə daha da gözəllik qatdı. Əvvəllər sadəcə bir tonda olan tulpanlar virus sayəsində artıq iki rəngi eyni anda özündə cəmləyə bildi. “ Zambaq qıran virus”-un səbəb olduğu gözəlliyə nümunə:

Bəs bu güllərə niyə məhz “tülpan” adı verilmişdir? Ən çox yayılan fərziyyə budur ki, “tülpan”-lar öz adlarını fars sözü olan “türban” sözündən götürmüşdür.

Niyə bu güllər bu qədər sevilir?

 Mükəmməllik və dərin sevgi mənasını daşıyan tülpanlar insanların kimliyindən asılı olmayaraq dərin və şərtsiz sevgi bəslədikləri biriləri: valideynlər, sevdikləri qadın, övladlar və s. üçün seçdiyi və hədiyyə etdikləri gül növüdür.

Daha dəqiq, tülpanlar və növləri hansı mənaları əks etdirir?

Qırmızı tülpanlar : həqiqi sevgi

Ağ tülpanlar : üzrxahlıq, “ Məni bağışla”

Bənövşəyi tülpanlar : Sədaqət, sadiqlik

Rəngli tulpanlar buketi:  kimə hədiyyə olunursa, o insanın gözlərinin gözəlliyinə kompliment kimi qəbul edilir.

Saytımızda yerləşdirilmiş müxtəlif tülpan buketlərini görmək üçün klikləyin :